Gizartea -
Bizkaia
Barakaldoko hotel batean izandako bonba abisua faltsua dela egiaztatu du Ertzaintzak
Abisua jaso ostean, bertan zeuden langile eta bezeroak irten dira eta Ertzaintza instalazioa aztertzen hasi da.
Agentziak | Erredakzioa
Ertzaintzak Puerta de Bilbao izeneko hotelean (Barakaldon, Bizkaia) zeuden pertsona guztiak irtenarazi ditu, bonba abisua jaso ostean, Segurtasun Sailak Europa Press albistea agentziari azaldu dionez. Ondoren, hotela aztertu ostean, abisua faltsua zela egiaztatu du Ertzaintzak. Beraz, hotelera sartzen utzi diete berriz langileei eta bezeroei.
Abisua telefonoz eman duen pertsona -09:00ak aldera- ez da identifikatu. Horrezkero, hoteleko bezero zein langileak atera dituzte, Ertzaintzako agenteek hotela aztertzeko, eta alarma faltsua izan ote den argitzeko.