Gizartea -
Gertakaria
Bi urteko umea hilda topatu dute hobi septiko batean, Alacanten
Haurra etxe ondoan jolasean ari zela desagertu zen. Amak larrialdi zerbitzuetara deitu zuen eta erreskate taldeek 30 zentimetroko zabalera duen hobian aurkitu zuten.
Erredakzioa
Bi urteko ume bat hilda aurkitu dute bere etxetik hurbil dagoen hobi septiko batean, Moraleten (Alacant), Guardia Zibilaren iturriek jakitera eman dutenez.
Haurra atzo aurkitu zuten, 22:30 eta 23:00ak bitartean, amak desagertzeaz ohartarazi ostean. Gertakaria 20:00ak inguruan jazo zen. Umea etxetik hurbil dagoen partzela batean jolasean ari zen, amak une baterako alde egin zuen, antza etxera joateko, baina bueltatu zenean ez zuen semea ikusi eta larrialdi zerbitzuetara deitu zuen. Guardia Zibilaren patruilak, suhiltzaileak eta udaltzainak aritu ziren umearen bila. 30 zentimetroko zabalera duen hobian aurkitu zuten haurraren gorpua.