Bi gizonezko atxilotu dituzte Bilboko Deustu auzoan, beste biri eraso egitea egotzita

Bi gizonezko (25 eta 30 urtekoak) atxilotu dituzte igande honetan, beste biri jotzea egotzita, Bilboko Deustu auzoan, Segurtasun Sailak jakitera eman duenez.

Gertaera 06:15ean izan da, Bizkiako hiriburuko Deustu auzo erdialdeko plaza batean. Biktimen lagun batek bertan zegoen Ertzaintzako patruila bati jakinarazi dionez, bi gizonezkok haren bi laguni eraso egin die.

Agenteek zertxobait geroago aurkitu dituzte ustezko erasotzaileak eta biktimak. Azken horietako batek zauri odoltsuak zituen eskuetan, eta besteak aurpegiko masailalbo-hezurrean. Erasoak jasan dituztenen arabera, haiekin zeuden bi gizonezkoek denbora gutxi lehenago egin diete eraso.

Ertzainek bi susmagarriak identifikatu dituzte, baita atxilotu ere, lesio delitua egotzita. Atxilotuak polizia-etxera eraman dituzte, beharrezko eginbideak egiteko, eta, amaitu bezain laster epailearen esku utziko dituzte.

Masailalbo-hezurrean zauri bat zuen pertsona ospitalera eraman behar izan dute.