Gizartea -
92 urte zituen
Marcelino Camacho CCOOko fundatzailea hil da
Frankismo garaian preso politiko eta demokrazian PCEko diputatu ere izandakoa Espainiako ezkerrak borroka politikoan eta sozialan izan duen erreferenteetako bat izan da.
Erredakzioa
Marcelino Camacho CCOOko fundatzailea hil egin da gaur goizaldean Madrileko ospitale batean, sindikatu horretako iturriek jakinarazi dutenez.
Camacho, 92 urtekoa, ospitaleratuta zegoen irailaren 26tik, gaixotasun larri baten ondorioz.
Hil-kapera gaur jarriko dute, CCOOren Madrileko egoitzan. 10:00etan irekiko dute, eta biharko 11:30 arte egongo da zabalik.
Bihar, hilotza Alcalako Atera eramango dute, eta bertan omenaldia egingo diote 12:30ean. Ondoren, 14:00etan, ehortzi egingo dute hilerri zibilean.
CCOOren Batzorde Betearazlea atsekabetuta agertu da, ohar baten bidez, sindikatu horretako idazkari nagusiaren heriotzaren ostean, Batzordearen arabera, "CCOO herrialdeko sindikaturik garrantzitsuena izatera lagundu zuen".
"Marcelino Camacho hil da. Agintari langile eta komunista, langileen eskubideen ordezkaririk trebatuena. Bizitza osoa ahulen aldean eman du, gizarte zuzenago eta solidarioago baten bila", iragarri du sindikatuak.
Soslaia: sindikatuen borrokaren eredu
Marcelino Camachoren heriotzak Espainiako ezkerrak borroka politiko eta sozialean izan duen ordezkaririk garrantzitsuenetarikoa galtzea suposatzen du. Frankismoan preso politiko izatetik CCOOren agintari izatera pasa zen, demokraziaren lehenengo hamarkadan.
"Ez gintuzten hezi, ez belaunikatu, eta ez gaituzte etxekotuko ere". Hori zen bere lelo ospetsua, askatasunaren aldeko borroka eta sindikalista horrek izandako demokrazia islatzen duena, aro horretako lehenengo lan-akordioak egin izanarren estimatua.
1918ko urtarrilaren 21ean Osma de la Rasan (Soria) jaioa, CamachoPSCEren diputatu ere izan zen Madrilen 1977ko hauteskundeen ostean, eta 1979an berriz hautatua.
1981 otsailaren 10ean Parlamentuko kargua utzi zuen Langileen Estatutuaren inguruan protesta egiteko eta CCOOn buru-belarri aritzeko.