Itxi

Gizartea

Nafarroa

56 urteko gizon bat oso larri, Sarrigurenen izandako sute batean

EiTB.EUS

Garrak Errege Bardea kaleko etxebizitza batean piztu dira.

56 urteko gizon bat oso larri zauritu da bart Sarrigurengo etxebizitza batean (Eguesibar, Nafarroa) izandako sutean, Nafarroako Gobernuak eitb.eus-i jakinarazi dionez.

Garrak 00:30 aldera piztu dira Errege Bardea kaleko 30. zenbakian. Etxebizitzaren eskailera-buruan ke handia pilatu dela eta, bizilagunek larrialdi zerbitzuetara deitu dute. Cordovillako suhiltzaileak, Eguesibarko udaltzainak eta anbulantzia bat bertaratu dira.

Sutea hirugarren solairuko etxebizitzetako batean izan da. Bertako bizilagunak, mugikortasun arazoak dituen 56 urteko gizasemeak, zabaltzen ez zuela ikusita, etxebizitzara sartu dira agenteak, atea indarrez apurtuta. Gizona logelan topatu dute, korderik gabe eta intoxikazio sintoma larriekin, kea arnastu baitu. Medikuek bertan artatu dute, baina handik gutxira anbulantzia medikalizatu batean eraman dute Nafarroako Ospitalera.

Garrak etxebizitzaren saloian piztu dira, sofa batean. Kalte materialak txikiak izan dira, eta ez dute bizilagunik etxetik atera behar izan.

 

 

 

 

  • Bisitatuena

      Kargatzen ikusiena
      Kargatzen ikusiena