Publizitatea
X

Irratia zuzenean

Euri denboralea, 2018ko urtarrilaren 11n: Uholdeak Bizkaian

Gizartea

Denboralea

Euri-jasak uholdeak eragin ditu Bizkaiko zenbait herritan

EITB.EUS

2018/01/11

Muxikan, Gernika-Lumon eta Mungian izan dira arazorik larrienak. Segurtasun Sailak larrialdiei aurre egiteko plan berezia jarri du indarrean.

  • Uholdeak Muxikan. Argazkia: Harkaitz Pujana

    Uholdeak Muxikan. Argazkia: Harkaitz Pujana

    Uholdeak Muxikan. Argazkia: Harkaitz Pujana
  • Whatsapp
  • Bidali

Euri-jasak uholdeak eragin ditu ostegun honetan Bizkaiko hainbat herri eta errepidetan. Hori dela eta, Segurtasun Sailak uholdeei aurre egiteko plan berezia jarri behar izan du indarrean.

Abisu laranja ezarri dute Oka ibaian, Muxikan, eta Ibaizabal ibaian, Zornotzan. Abisu horian daude, berriz, Butroe ibaia, Mungian, eta Asua ibaia, Sondikan.

Muxikan, moztu egin dute Gernika-Lumo eta Zornotza lotzen dituen BI-635 errepidea. Hainbat ibilgailu harrapatuta geratu dira uholdeen ondorioz, eta suhiltzaileek erreskatatu dituzte gidariak eta bidaiariak.

Busturialdeko hainbat etxebizitza eta lokaletan ura sartu da eta kalte materialak eragin ditu, Ertzaintzak jakinarazi duenez.

Horrez gain, 20:00etan, tren zerbitzua eten behar izan dute Muxika eta Gernika-Lumo artean.

22:00ak aldera, baina, Oka ibaiaren emaria beheraka egiten hasi da eta egoerak hobera egin du.

Mungian, uholdeak eta luiziak izan dira, eta Butroe ibaira ez hurbiltzeko eskatu die Udaltzaingoak herritarrei.

Karrantzan, ura pilatzeko erabiltzen den urmael batek gainezka egin du.

Erauntsiaren erakusgarri, datu pare bat: Bermeon, metro karratuko 70 litro bota ditu 24 ordutan; Muxikan, berriz, metro karratuko 24,6 litro batu dituzte ordubetean.

Euriak ez ezik, elurrak ere eragin ditu arazoak Bizkaian. Urkiolako mendatea itxi egin dute elurragatik, eta Barazarren eta Trabakuan arretaz gidatzeko eskatu dute.

GERNIKA-LUMO ETA MUXIKA:

 

 

 

 

 

 

ZORNOTZA:

 

 

 

MUNGIA:

 

 


Iruzkinak

Publizitatea
  • Publizitatea
    NAHIERAN Ikusi berriro ETBko albistegiak NAHIERAN
    Erreportajeak Aktualitateari buruzko elkarrizketak. Erreportajeak
    Publizitatea
    Publizitatea

    Bisitatuena

      Kargatzen ikusiena
          Kargatzen ikusiena