Adegi: 'ETAk mehatxua eta xantaia egiten jarraitzen du'

Jose Miguel Ayerza Adegiko idazkari nagusiak adierazi du enpresaburuek "eszeptizismo osasuntsua" dutela "ustez berria den" egoera honen aurrean. Izan ere, ETAk "eraso ekintza armatuak" eten baditu ere, "estortsio, mehatxu eta xantaia" egiten jarraitzen duela ohartarazi du.

ETBn egindako elkarrizketa batean, Ayerzak esan du itxaropena dela galtzen den azkena, baina haiek "ekintzei" erreparatu behar dietela, eta "egungo errealitateak kezka pizten digu".

Testuinguru horretan, Gipuzkoako patronalaren buruak aldarrikatu egin ditu "eraso jarraitu egoera" horretan "inbertitzen eta lanpostuak sortzen" jarraitzen dituzten enpresaburuak.