Bi kamioiren arteko istripua izan da Barazarko mendatean

Barazarko mendatea zenbait orduz itxita egon da gaur goizean, bi kamioik aurrez aurre talka egin ostean, Eusko Jaurlaritzako Segurtasun Sailak jakinarazi duenez. Zorionez, ez da zauriturik izan.

Istripua N-240 errepideko 28. kilometroan gertatu da, Zeanurin, 11:15ean. Ezbeharraren ondorioz mendatea itxi egin behar izan dute eta trafikoa Dimatik bideratu.

15:00tan, errei bat irekita dago eta Ertzaintza txandakako pasoa ematen ari da, bideko langileek errepidea garbitu eta kamioiak erretiratzen dituzten bitartean.