Gizartea -
Gertakaria
Sute baten ondorioz, 9 lagun atera dituzte Pasaiako eraikin batetik
Kaltetutako familietako bat hotel batera eraman behar izan dute; gainerakoek euren senide edo lagunen etxean igaro dute gaua. Kalte handiak izan dira eraikinean.
Erredakzioa
Bederatzi pertsona atera behar izan dituzte gaur goizaldean Pasaiako eraikin batetik, lehenengo solairuan gertatu den sute baten ondorioz, Herrizaingo Sailak jakinarazi duenez.
Goizaldeko 00:45 aldera, sute bat izan da Pasaiako Eskalantegi kalean dagoen eraikin bateko lehenengo solairuan, eta eraikinean bizi diren bederatzi lagun atera behar izan dituzte, zauriturik izan ez den arren.
Suhiltzaileek euren lana bukatzean, familietako bat hotel batera eraman dute, eta gainontzekoek senideen etxeetan igaro dute gaua. Bestalde, Ertzaintza sutea eragin duten zergatiak ikertzen ari da.