Gizartea -
BORROKA KALEAN
Gizon bat larri zauritu dute Arrasaten, bizkarretik labana sartuta
Ostiral iluntzean gertatu zen erasoa, Zarugalde kalean izandako borroka batean. Ertzaintzak ustezko bi erasotzaile atxilotu zituen eta horietako bat kartzelara bidali du gaur epaileak.
EITB.EUS
Arrasaten, borroka jendetsu bat zauritu larri batekin eta bi atxiloturekin amaitu zen atzo. Monterro parkearen parean, Arrasateko erdigunean gertatu zen, arratsaldeko 19:30 inguruan.
Ertzaintzak jakitera eman duenez, hainbat bizilagunek Zarugalde kalean borroka bat gertatzen ari zela abisu eman zuten. Agenteak bertatu zirenean 46 urteko gizon bat larri zaurituta aurkitu zuten. Antza, labankada zuen bizkarrean, eta Gasteizko Santiago Ospitalera eraman zuten.
Tokian bertan bi lagun atxilotu zituen Poliziak eta epailearen aurreti igaro dira gaur. Martuteneko espetxera bidali du bat epaileak eta libre geratu da bestea.
Irekita jarraitzen du ikerketak.