Gizartea -

Istripua

Gizon bat hil da Burlatan bere autoa bidetik irten eta beste biren aurka talka eginda

Autopsiak zehaztuko du zergatik zendu den. Dena dela, lehen zantzuen arabera, berez hil da.

Agentziak | Erredakzioa

Whatsapp Facebook Twitter Telegram Email

41 urteko iruindar bat hil da bart Burlatan (Nafarroa) izandako trafiko istripu batean. Autopsiak zehaztuko du zergatik zendu den, baina, lehen zantzuen arabera, berez hil da.

Ezbeharra bart jazo da Burlatako Erripagaina etorbidean, 22:20 aldera. Autoa bidetik atea da eta bertan aparkatuta zeuden beste biren kontra egin du talka.

Anbulantzia bat, suhiltzaileak eta Burlatako eta Eguesibarko udaltzainak bertaratu dira. Nafarroako Ospitalera eraman dute, eta bertan hil da.

Foruzaingoaren Atestatuak eta Ikerketa taldeak hartu du istripua argitzeko ardura. Lekukoen testigantzak, gizonaren zauriak eta ibilgailuaren kalteak kontuan hartuta, baina, badirudi gizona berez hil dela, istripua izan aurretik.

Hau zure interesekoa bada, baliteke beste gai hauek ere izatea
Trafiko Istripuak Trafikoa Nafarroa gaur Gizartea bideoak Burlata bideoak Gaurko azken ordukoa