Gizartea -
Abadiñon, Bizkaian
Bi eskalatzaile erreskatatu dituzte Atxarteko harrobietan
Gaueko hamabiak jo eta gutxira, Ertzaintzak bikotea, 19:00etan bietako batek laguntza eske deia egin ostean, oharkabean ilundu baitzitzaien.
Erredakzioa
Ertzaintzaren mendiko erreskateko taldeak larunbat arratsaldean Abadiñoko Atxarteko harrobietan, Bizkaian, ez atzera ez aurrera egin ezinik geratu ziren bi eskatzaileak erreskatatu zituen gaueko hamabiak jo eta gutxira, Herrizaingo Sailak jakinarazi duenez.
Ertzaintzak esan duenez, 19:00ak aldera eskalatzaile batek telefonoz deitu zuen laguntza eske. Izan ere, oharkabean ilundu zenez, ez zuten ezer ikusten, eta pareta bustita zegoen gainera.
22:30ean harrapatuta zegoen emakume eta gizonarekin telefonoz hitz egitea lortu zuten erreskate taldekoek, eta onik zeudela esan zieten.
Ertzaintza eurak zeuden tokira iritsi eta segurtasun neurriak hartu ostean, bikotea erreskatatu zuen.