Enpresa bat hustu dute Gasteizen, sute bat tarteko

Hogei langile inguru, tartean urritasunak dituzten batzuk, ebakuatu behar izan dituzte gaur goizean Gasteizko Osoak enpresan, sute baten ondorioz.

Suhiltzaileek azaldu dutenez, sua 06:50ean piztu da, baina oraindik ez dakite zer dela eta.

Horren ondorioz, egoitza hustu behar izan dute, sugarrek ke asko sortu baitute.

Sua ez da hedatu, baina ke asko pilatu denez, suhiltzaileak material eta tresna bereziekin sartu behar izan dira barrura.

Suhiltzaileek ordubete behar izan dute lokala guztiz aireztatzeko.