Abisu horia aktibatu dute larunbatera arte, olatuengatik

Eusko Jaurlaritzako Larrialdiei Aurre Egiteko eta Meteorologiako Zuzendaritzak abisu horia aktibatuko du gaur eta bihar, olatu handiengatik; izan ere, 3,5 metrorainoko olatuak espero dira.

Ostegun arratsaldean sartuko da indarrean abisu horia, lehen bi milietan nabigaziorako egongo den arriskuagatik. Zehazki, ostegun 18:00etatik ostiraleko 15:00ak arte egongo da indarrean. 3,5 metrorainoko olatuak iragarri dituzte.

Halaber, kostaldean eragin ditzakeen kalteengatik, abisu horia aktibatuko dute ostegunean 16:30etik 18:00etara. Ostiralean, 03:00etatik 07:00etara eta 16:30etik 18:30era egongo da indarrean, 3 eta 4 metro arteko olatuak espero baitira. Gainera, larunbatean berriro aktibatuko dute abisua 04:30etik 06:30era.