Gizartea -
Trafikoa
Gazte bat larri zauritu da auto-istripuz Ablitasen
Ezbeharra 08:41ean gertatu da, NA-3010 errepideko 5,7. Kilometroan. Ablitaseko mutila gidatzen ari zen autoa bidetik atera eta irauli egin da.
Agentziak | Erredakzioa
19 urteko mutil bat larri zauritu da Ablitasen (Nafarroa), gidatzen ari zen autoa irauli ostean.
Foruzaingoak jakinarazi duenez, ezbeharra 08:41ean gertatu da, NA-3010 errepideko 5,7. kilometroaren parean. Autoa bidetik atera eta irauli egin da. Istripuaren ondorioz, harrapatuta geratu da ibilgailuan, eta suhiltzaileek atera dute Tuterako Ospitalera eramateko.
Foruzainak trafikoa bideratzera joan dira istripuaren tokira; Tuterako agenteek, berriz, atestatua egin dute.