Gizartea -
Emakumeen kontrako indarkeria
Emakume bat hil dute Tenerifen, labankadaz
Ustezko erasotzailea autopistan sartu da eta beste auto baten kontra talka egin du; istripuan beste bi pertsona zauritu dira.
Erredakzioa
Gizonezko batek 32 urteko emakume bat ustez hil du, antza bere bikotekidea zena, Santa Cruz Tenerifekoan, Polizia Nazionaleko iturriak aipatuta EFEk zabaldu duenez.
Hilketaren ustezko egilea TF-1 autopistan sartu da, ihesean zebilela, eta istripu bat izan du auto baten kontra talka eginda; istripuan beste autoko bi pertsonek zauri arinak izan dituzte.
Gertaera Barranco Grande auzoan izan da, Tenerifeko hiriburuan; 04:00ak aldera 112 Larrialdiak eta Segurtasuna Kudeatzeko Zentroak hainbat dei jaso ditu jazoeraz ohartarazteko.
Atxilotutako gizonak Las Caletillas inguruan izan du istripua beste autoaren aurka.
Emakumeak aurreko abuztuan poliziari deitu zion senarrarekin eztabaida handia izan ostean, baina ez zuen sekula auzitara eraman, Tenerifeko Gobernu ordezkariordeak jakinarazi duenez.
Aurreko abuztuan, hildako emakumearen etxera joan ziren poliziak deklarazio hartzera, baina bikotekide biek garrantzia kendu eta salaketarik ez zutela egingo esan zuten.
