Gizon bat hil zuten zakurren jabea karguekin libre utzi dute

55 urteko gizon bat hil eta 29 urteko haren semeari zauriak eragin dizkioten rottweiler arrazako bi zakurren jabea atxilotu eta karguekin libre utzi du Guardia Zibilak Carcabueyn (Kordoba).

Zuhurtziarik gabeko hilketa eta lesioen delitu bat leporatzen diote atxilotuari, ikerketako iturriek jakinarazi dutenez.

Desagerpenaren berri eman zuen

Rottweiler arrazako bi txakurrek 55 urteko gizonezko bat hil eta haren semea (29 urtekoa) larri zauritu dute bart Carcabueyko finka batean, Kordoban, 112 larrialdi zerbitzuetako iturriek jakitera eman dutenez. Hala ere, txakurren jabeak egunean zituen osasun-txartelak eta ostegun goizean eman zuen animalien desagerpenaren berri.

Animalien erasoa 22:00ak aldera gertatu da, biktimen senide batek larrialdi zerbitzuetara deitu aurretik.

Bi txakurrek (rottweiler arrazakoak eta horietako bat pitbull arrazarekin gurutzatua zen) egindako zaurien ondorioz gizonezko bat hil da eta haren semea zauritu.