Gizartea -
Seychelle uharteetan
'Intertuna III' atunontziak eraso pirata bat galarazi du Indikoan
Azken bi asteetako zazpigarren erasoa da honakoa; azaroaren 13an, Bermeoko Albacora taldearen beste atunontzi batek, Albacanak, bahiketa saiakera bat saihestu zuen.
Erredakzioa
Intertuna III atunontziaren segurtasun agenteek eraso pirata bat saihestu dute gaur goizean Indiako Ozeanoko uretan, Bermeoko flotako iturriek jakinarazi dutenez.
Mahe irlatik, Seychelle uharteetako irlarik handiena, 400 miliara gutxi gorabehera jazo da erasoa.
45 minutuz jarraitu dituzte piratek Bermeoko Albacora enpresako atunontzia. Segurtasun agenteek eta piratek elkarri tiro egin diete, baina atunontziko inor ez da zauritu.
Azken bi asteetako zazpigarren erasoa da honakoa; azaroaren 13an, Albacora taldearen beste atunontzi batek, Albacanak, bahiketa saiakera bat saihestu zuen.
