Gizartea -

TRAFIKOA

A-8a berriro zabalik Muskizen, Kantabriarako bidean, auto-istripu larriaren ondoren

Kamioi eta auto baten arteko istripuaren ondorioz auto-ilara luzeak sortu dira goizean. 15:30ak aldera, ordea, ibilgailuak erretiratu dituzte eta egoera bere onera itzuli da.

Agentziak | Erredakzioa

Whatsapp Facebook Twitter Telegram Email

A-8 autobidea itxi dute astearte goizean Muskizen (Bizkaia), Kantabriarako bidean, bi ibilgailuren arteko istripua izan ondoren. Ezbeharraren ondorioz, autobidea erabat itxita egon da hainbat orduz, eta auto-ilara luzeak sortu dira.

Hala ere, 15:30ak aldera istripua izan duten ibilgailuak erretiratu dituzte eta bidea guztiz zabaldu dute, Eusko Jaurlaritzako Segurtasun Sailak eitb-eusi jakinarazi dionez.

Kamioi batek eta auto batek talka egin dute 135. kilometroan, 11:30ean, eta auto-gidaria ibilgailuaren barruan harrapatuta geratu da. Ondorioz, errepidea itxi behar izan dute, gidaria atera eta errepidea erabat garbitu duten arte.

Ertzaintzaren patruilak bertaratu dira, trafikoa bideratzeko, eta auto-ilarak sortu dira inguruetan.

 

Hau zure interesekoa bada, baliteke beste gai hauek ere izatea
Trafiko Istripuak Trafikoa Muskiz argazkiak Eguneko albisteak AP8 Kantabria azken ordukoa