Gizartea -
EMAKUMEEN KONTRAKO INDARKERIA
Gizon bat atxilotu dute, emakume bat autoarekin nahita hiltzea egotzita Toledon
Emakumearen gorpua A-5 autobidean, Toledon, aurkitu zuten, bide bazterrean, martxoaren 24n.
AGENTZIAK | ERREDAKZIOA
Gizon bat atxilotu du Guardia Zibilak gaur Madrilen, orain bi aste bikotekide ohia autoarekin nahita harrapatu eta hil zuelakoan. Ondoren, ihes egin zuen.
A-5 autobidean aurkitu zuten 30 urteko emakumearen gorpua, bide bazterrean, Santa Cruz de Retamar (Toledo, Espainia) parean.
Poliziak ikerketa abiatu zuen, eta berehala lotu zuten kasua emakumeen kontrako indarkeriarekin. Nahita eragindako hilketa izan zela uste dute ikertzaileek. Gainera, emakumearen koinatua harrapatzen ere saiatu omen zen ustezko hiltzailea.
Atxilotu duten gizonaren ibilgailua Madrilen aurkitu zuten, hilketa izan eta gutxira.
---
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
