Gizartea -
Lapurdi
Lagun bat hil da Angeluko hondartzan, belaontzi bat iraulita
Ontzian hiru lagun zihoazen. Horietako bat erreskatatzea lortu dute eta hirugarrenaren bila ari dira.
EITB.EUS
Gizonezko bat hil da gaur goizean Angeluko hondartza parean, itsaso zakarrak bera zihoan belaontzia irauli ostean, Euskadi Irratiak jakitera eman duenez.
Itsasontzian guztira hiru lagun zihoazen. Bigarrena erreskatatzea lortu dute eta erietxera eraman dute, larri. Hirugarrenaren bila ari dira.
Olatu handiengatik alerta laranja dago ezarrita Lapurdiko kostaldean eta agintariek itsasora ez hurbiltzeko aholkua eman dute.
Hau zure interesekoa bada, baliteke beste gai hauek ere izatea