Gizartea -
Zirkulazioa
Pertsona bat hil da autoarekin kamioi bat jota, Sunbillan
Ezbeharra 08:00ak aldera gertatu da N-121-A errepidean. Hildakoa Lesakako 57 urteko gizonezko bat zen, autoan zihoan bidaiari bakarra.
Lesakako 57 urteko gizonezko bat hil da gaur goizean Sunbillan auto-istripuz, Nafarroako Gobernuak jakitera eman duenez. Dirudienez, autoa ezkerreko erreiean sartu da eta kamioia jo du.
Ezbeharra 08:00ak aldera gertatu da N-121-A errepidean, auto batek eta kamioi batek talka egin dutenean. Autoko gidari eta bidaiari bakarra zen hildakoa. Kamioizalea, Zaragozako 42 urteko gizona, berriz, ez da zauritu.
Doneztebeko osasun zerbitzuak bertaratu dira ezbeharra gertatu den lekuan. Era berean, suhiltzaileek eta Foruzaingoak ere parte hartu behar izan dute erreskatean.
Hau zure interesekoa bada, baliteke beste gai hauek ere izatea
