20 marrazo konfiskatu dituzte Ondarroan, arrantza ontzi batean

'Lamna nasus' espeziea babestuta dago eta ezin da harrapatu, Atlantikoko Atuna Babesteko Nazioarteko Batzordearen gomendioen arabera.

Agentziak | Erredakzioa

publikatuta: 2018/04/25 11:12 (UTC+2)

azken eguneratzea: 2024/01/19 11:41 (UTC+1)

Arrantza Ikuskaritzako funtzionarioek Lamna nasus espezieko hogei marrazo konfiskatu dituzte Ondarroan porturatutako arrantza-ontzi batean.

Ikuskaritzako zerbitzuak jakinarazi duenez, atzo (asteartea) goizeko lehen orduan "tamaina handiko aleak" konfiskatu zituzten; guztira, 1.660 kilo.

Espezie hori babestuta dago eta ezin da harrapatu, Atlantikoko Atuna Babesteko Nazioarteko batzordearen gomendioen arabera.

Hori dela eta, Bizkaiko Elikagaien Bankuari emango dizkiete ale horiek, irabazi-asmorik gabeko elkarteko erabiltzaileen artean banatzeko.

Hau zure interesekoa bada, baliteke beste gai hauek ere izatea

Euskal hiriburuak Bizkaia Gizartea Prentsa digitalaren azken orduko Ondarroa Albisteak Iparraldeko kostaldea albisteak Lea-Artibai eskualdea Delituak azken ordukoa Ingurumena albisteak Arrantza