Gizartea -
TRAFIKO ISTRIPUA
Bi zauritu Kanpezun, auto-istripuan
Gidariak autoaren barruan harrapatuta geratu dira. Zaurituetako bat egoera larrian eraman behar izan dute helikopteroz Txagorritxu Ospitalera.
AGENTZIAK | ERREDAKZIOA
Bi pertsona zauritu dira gaur Kanpezun, bi autok talka egin ostean. Ezbeharra A-132 errepidean izan da, Kanpezu herriaren parean. Suhiltzaileek bertaratu behar izan dute bi gidariak autoaren barruan harrapatuta geratu direlako.
Zaurituetako bat egoera larrian eraman dute helikopteroz Txagorritxu Ospitalera. Bestea aldiz, Gasteizko Santiago Ospitalera eraman dute anbulantzian.
Istripua goizeko bederatziak laurden gutxiagotan izan da.
Hau zure interesekoa bada, baliteke beste gai hauek ere izatea