Gizon bat atxilotu dute Bilbon, sexu-abusuak eta lapurreta egotzita

Ertzaintzak 51 urteko gizonezko bat atxilotu zuen atzo Bilbon, 30 urteko emakume bati ukituak egitea eta lapurreta egiten saiatzea leporatuta.

Atzo iluntzeko zortziak aldera jazo zen erasoa Sondikan (Bizkaia). Ezagun batek emakumeari deitu zion eta Sondikara laguntzeko prest agertu zen. Emakumea alokairuko pisu baten bila zebilen, eta gizonak bertan bat zegoela esan zion.

Bizkaiko udalerrira heldu zirenean, gizonak autoa eremu ilun batean gelditu zuen eta emakumeari sexu-harremanak izatea proposatu zion. Horrek ezetz esan zion eta ustezko erasotzaileak, ukituak egin ez ezik, zorroa lapurtzen ere saiatu zen.

Emakumeak Bilbora heltzean salaketa jarriko zuela esan zion. Gizonezkoak, orduan, lepotik heldu zion eta heriotza mehatxuak egin zizkion. Une horretan, biktimaren lagun bat bertatik igaro zen eta egoera baretzen saiatu zen, baina gizonak jo egin zuen.

Erasoaren lekuko batek deitu zion Ertzaintzari, eta, handik minutu gutxira, erasotzailea atxilotu zuten.