Interneten egindako arropa-salmentak boskoiztu egin dira urtebetean

Internet bidez egindako arropa-salmentak ia boskoiztu egin dira urteko lehen seihilekoan. Telekomunikazio Merkatuaren Batzordearen (CMT) datuen arabera, 2009ko lehen zatian 19 milioi euro atera ziren; aurten, denbora epe berdinean, 90 milioi euro zenbatu dituzte.

Arropa, eta orokorrean ehungintza, ez da ''e-commerce'' sektoreko kategoria garrantzitsuenen artean sartzen, baina azken hilabeteetako hazkunde honi esker diru sarreren % 2,6 ehungintzarekin lotuta dago.

Gauzak horrela, arropa seigarren postuan ageri da internet bidez gehien saltzen duten sektoreen zerrendan. Aurretik turismoa, zuzeneko marketinga, apustuak eta zorizko jokoak, ikuskizun artistikoak eta kirol ikuskizunak eta hezkuntza daude.

''Outlet'' dendak, arrakastatsuenak

Hala ere, datu hauek ez dutela Zarak irailetik aurrera zabaldutako denda digitalaren salmentak kontuan hartzen, ezta Springfield, Bimba &' || 'amp; Lola eta Desigual bezalako gazteentzako dendenak ere, hauek urteko bigarren seihilekoan ireki baitzituzten euren dendak.

Mango, Women''secret eta, batez ere, arropa ''outlet''en datuak, berriz, kontuan izan dira. Outletetan aurreko denboraldietako arropak saltzen dituzte prezio oso erakargarrietan eta bisita gehien jasotzen dituzten denden artean daude.