Gizartea -
Trafikoa Nafarroan
Pertsona bat hil eta beste bi larri zauritu dira auto-istripuz Tuteran
Hiru ibilgailuk izan dute ezbeharra aurrez aurre elkar jota, NA-6840 errepideko 0,5 kilometroan.
Agentziak | Erredakzioa
Pertsona bat hil eta beste bi larri zauritu dira Tuteran gertatutako auto-istripu batean. Aurrez aurreko talka egin dute hiru ibilgailuk, NA-6840 errepideko 0,5 kilometroan (Tutera-Murchante).
SOS Navarrak 20:34ean jaso du istripuaren abisua. Tuterako Foruzaingoaz gain, atestatuen taldeko kideak joan dira ezbeharraren tokira. Suhiltzaileak eta hainbat anbulantzia ere bertaratu dira.