Gizon bat zauritu da Gasteizen, etxe batean izandako sutean kea arnastuta

Sutea izan da gaur goizaldean Gasteizko etxebizitza batean, eta ondorioz, bertan bizi zen gizonezko bat zauritu da, kea arnasteagatik. Txagorritxuko erietxera eraman dute, Segurtasun Sailak jakitera eman duenez.

Iturritxu kaleko etxebizitza batean piztu da sua. Lehen ikerketen arabera, sukaldean hasi da, 02:45 inguruan.

Ke-laino handia zabaldu da, eta badaezpada, hiru etxebizitza hustu egin dituzte.

03:15erako sua itzaltzea lortu dute suhiltzaileek, eta bizilagun guztiak euren etxera itzuli dira.