95 eta 84 urteko bi ahizpa hil dira Santanderren izandako sute batean

95 eta 84 urteko bi ahizpa hil dira Santanderreko euren etxean izandako sute batean, Eduardo Aresti Segurtasuneko zinegotziak jakinarazi duenez.

Horrez gain, eraikin berean bizi ziren bi haur eta hildakoetako bateko semea ospitaleratu dituzte kea arnasteagatik.

9:00ak aldera piztu da sua bi emakumeen logelan.

Udalaren arabera, suhiltzaileak abisua jaso eta lau minutura bertaratu dira, eraikina hustu eta sua itzali dute.

Sutearen ondorioz, guztira, sei pertsona eraikinetik aterarazi dituzte.