Gizartea -
Trafikoa
Bi zauritu, bata larri eta bestea arin, bi autok talka eginda Beran
Ibilgailuetako baten gidaria harrapatuta geratu da auto barruan, larri. Istripua N-121-A errepidean jazo da, 66. kilometroan.
AGENTZIAK | ERREDAKZIOA
Bi pertsona zauritu dira, bata larri eta bestea arin, Beran (Nafarroa), igande arratsaldean bi autok aurrez aurre talka eginda.
Guardia Zibilak jakitera eman duenez, ibilgailuetako baten gidaria (49 urteko gizona) auto barruan harrapatuta geratu da, larri, eta beste autokoa (41 urteko emakumea) Irungo Ospitalera eraman dute, arin zaurituta.
Istripua N-121-A errepidean jazo da, 66. kilometroan, eta Guardia Zibileko hainbat patruila eta suhiltzaileak bertaratu dira, gidaria autotik ateratzeko.
Hau zure interesekoa bada, baliteke beste gai hauek ere izatea