Gizon bat atxilotu dute 13 urteko adingabe bat bortxatzea leporatuta

Polizia Nazionaleko agenteek 36 urteko gizon bat atxilotu dute haren alabaren lagun bati sexu delitua egitea egotzita. Biktima (13 urte) euren etxean egun batzuetarako geratu zen.

Atxilotua R.S.C bezala identifikatu dute, 36 urterekin, Ekuadorren jaio zen eta Iruñean bizi da, Nafarroako poliziek jakitera eman dutenez.

Gertakizunak izan zirenean 13 urte zituen biktimak, eta lagun baten etxera haren familiarekin egun batzuk igarotzera joan zen. Goiz batean, denak euren zereginetara joan zirenean, alabaren logelan sartu eta bortxatu egin zuen haren laguna.

Epaiketan esan dutenez, gertakizun horiek depresioa eragin zioten adingabeari, eta, ondorioz, bizia kentzen saiatu zen eskuin eskumuturreko zainak moztuta. Adingabeak psikologo bati eta bere tutoreari kontatu zizkion gertatutakoak, eta hasiera batean ez zuen salaketarik jarri nahi izan baina, azkenean, ustezko erasotzailea atxilotu zuten.