Gizartea -

Immigrazioa

Autobusean Donostiara heldutako 50 bat etorkin artatu ditu Gurutze Gorriak

Etorkinek, Malikoak eta Gineakoak gehienak, eskumutur gorria zuten, eta 08:00ak aldera heldu dira. Antza, Donostiako geltokian gelditu eta han utzi dituzte.

El grupo de inmigrantes en la estación de autobuses de Donostia. Foto de ETB.
El grupo de inmigrantes en la estación de autobuses de Donostia. Foto de ETB.
Autobusean Donostiara heldu diren etorkinak artatu ditu Gurutze Gorriak

Agentziak | Erredakzioa

Whatsapp Facebook Twitter Telegram Email

Donostiako autobus geltokira gaur (astelehena) heldutako Saharaz hegoaldeko 50 bat etorkin artatu ditu Gurutze Gorriak, Donostiako Udalaren eta Gipuzkoako Foru Aldundiaren laguntzarekin. Antza, Andaluziatik etorritakoak dira.

Etorkinek, Malikoak eta Gineakoak gehienak, eskumutur gorria zuten, eta 08:00ak aldera heldu dira. Antza, Donostiako geltokian gelditu eta han utzi dituzte.

Etorkin guztiak gizonak dira eta hasiera batean Donostiako udaltzainek artatu dituzte; ondoren, bi autobus txiki eta Gurutze Gorriko ibilgailu bat heldu dira laguntza ematera.

Gurutze Gorrikoek EFE albiste-agentziari jakinarazi diotenez, oraindik ez dakite nondik etorri diren, ez baitzekiten Gipuzkoara etorriko zirenik.

Hasiera batean, lekukoek artatu dituzte etorkinak, eta ura eta janaria erosi diete. Lekukoen arabera, autobusa Andaluziatik zetorren eta Frantziara omen zihoan, baina azkenean, Donostian jaitsi dira eta autobusak alde egin du.

Hau zure interesekoa bada, baliteke beste gai hauek ere izatea
Andaluzia Donostia Migrazioa Gurutze Gorria Gizartea Albisteak