Gizartea -

Ortiz kontserba fabrika

Sute handi batek hutsik zegoen eraikin bat kiskali du Ondarroan

Ortiz kontserba fabrika zena da erretakoa. Inguruko etxebizitzetatik 50 bat familia atera behar izan dituzte, baina ez da inor zauritu.

Sutea Ondarroan (Bizkaia). Argazkia: Bizkaiko suhiltzaileak
Sutea Ondarroan (Bizkaia). Argazkia: Bizkaiko suhiltzaileak
50 pertsona euren etxeetatik atera dituzte Ondarroan, sute baten ondorioz

eitb.eus

Whatsapp Facebook Twitter Telegram Email

Sute handia izan da bart Ondarroan (Bizkaia), Ortiz kontserba fabrika zenaren eraikinean. Erabat kiskali da, Ertzaintzako iturriek eitb.eus-i jakinarazi diotenez.

Sua 21:15 aldera piztu da, ikertzen ari diren arrazoiak tarteko.

Eraikina herriko San Ignazio kalean dago. Ertzaintzaren arabera, alboko etxebizitzetatik 50 bat familia atera behar izan dituzte, baina inor ez da zauritu.

Horren esanetan, Udalak kiroldegia prestatu du etxea utzi behar izan duten bizilagunak behin-behinean hartzeko, baina horietako batzuk senideen etxeetara joan dira.

 

 

01:30 aldera, ingurua ikuskatu dute suhiltzaileek, eta bizilagunek etxera itzuli ahal izan dute. 02:00etarako, erabat itzali dute sutea, baina suhiltzaileak eraikina bustitzen geratu dira.

 

Hau zure interesekoa bada, baliteke beste gai hauek ere izatea
Bizkaia Suteak Gizartea Ondarroa Albisteak Lea-Artibai