Gizartea -
Gertakaria
Gizon bat larri zauritu da Bilbon piztu den sute batean
Zazpikaleetako Posta kaleko hirugarren solairuan piztu da sua, oraindik argitzeke dauden arrazoiak medio. Zauritua Gurutzetako ospitalera eraman dute egoera larrian ke gehiegi arnastu duelako.
Erredakzioa
Gizonezko bat, 40 urtekoa, larri zauritu da Bilboko Zazpikaleetan etxebizitza batean piztu den sute baten ondorioz, Radio Euskadik jakitera eman duenez.
Sua goizaldeko ordu bata eta laurden aldera piztu da Posta kaleko 16.eko hirugarren solairuan.
Herrizaingo Sailak azaldu duenez, gizonezko bat larri eraman dute Basurtuko Ospitalera ke gehiegi arnastu duelako. Suhiltzaileek goizaldeko hiruak inguruan lortu dute sutea itzaltzea.
Oraingoz, argitzeke dago sua zerk eragin duen.
Hau zure interesekoa bada, baliteke beste gai hauek ere izatea