Abisu horia prezipitazio handiengatik, larunbat arratsalderako

Larunbat honetarako eurite gogorrak espero dira, 17:00etatik aurrera. Segurtasun Sailak abisu horia aktibatuko du, ordubetean metro karratuko 15 litrora irits daitezkeen euriteengatik. Ostiralean bzeala, zaparrada arinak handiak eta ekaitztsuak izatera pasatuko da. Zenbait tokitan txingorra ere bota dezake, bereziki Euskadi barnealdean. Halaber, haizete indartsuak izan daitezke.

Halaber, itsasertzean abisu horia aktibatuko da, larunbat honetan, 18:00etan, galernak espero direlako. Haizeak norabidea aldatuko du mendebaldetik ipar-mendebaldera, eta itsasertze osotik zabalduko da, 50-70 km/h boladekin. Tenperaturak 8-10 gradu artean jaitsiko dira ordubetean.

Goizean, giro eguzkitsua izango da, eta arratsaldean, bero-hodeiak garatuko dira eta ekaitzak suspertuz joango dira.

Hego haizeak indarra hartuko du, eta eguzkiarekin batera termometroa gorantz eramango dute, batez ere kantauri isurialdean. Hegoaldean, balio baxuagoetan geldituko dira.