Istripua izan duen mendizale bat erreskatatu dute Adarra mendian

63 urteko mendizale batek istripua izan du Urnietako (Gipuzkoa) Adarra mendiko gailurrean, eta Ertzaintzako helikopteroak erreskatatu behar izan du.

Ordu biak aldera lagun batek dei egin dio Sos Deiak telefonoari Adarra mendiko gailurrean mendizale batek arazoak izan dituela eta mugitu ezin zela jakinarazteko.

Haize bortitza zela eta helikopteroa ezin izan da gailurreraino heldu eta Ertzaintzaren mendiko talde mugikorra heldu behar izan da zauritua zegoen tokiraino. Helikopteroak Arantzazuko ospitalera eraman du.