Emakunde 'ez dator bat' Laffage auziko erabakiarekin

Emakunde Emakumearen euskal Institutuak Laffage auziko epaiarekin bat ez datorrela azpimarratu du gaur, nahiz eta "onartu" egiten duen. Horregatik, Nagore Laffageren familiarekin "elkartasuna" adierazi du, "une gogor hauetan".

Erakunde honen ustez, Laffage auzia hilketa izan zen, eta ez homizidioa, Auzitegi Gorenak berretsi bezala.

Emakunderen ustez, Genero indarkeriaren kasu bat bezala epaitu izan balitz, epaia "Nagoreren oroimenari Justizia handiagoa" egingo lioke, baita "familiaren saminari ere".

Nagoreren hilketa aurretik pentsatutako zerbait ez zela erabaki du Gorenak, eta Emakunde ez dator iritzi honekin bat. Erakundearen esanetan, epaiketaren ondorengo epaiek "agerian uzten dute" emakumeen jasaten duten indarkeria Emakumeen Aurkako Indarkeriaren Legearen bidez epaitu beharko litzateke.