Gizartea -
Ezbeharra
23 urteko neska bat larri zauritu da Almandotzen, zirkulazio istripuan
Istripuaren ondorioz, gainera, N-121-A errepidea itxi behar izan dute, eta zirkulazioa NA-1210etik bideratu dute. Dagoeneko errepidea zabalik dago.
Erredakzioa
Hogeita hiru urteko emakumezko bat larri zauritu da gaur goizean zirkulazio istripuan Almandotzen, Nafarroan.
Foru Gobernuak jakinarazi duenez, istripua 06:15ean jazo da, N-121-A errepidean.
Ordu horretan, ibilgailu bat bidetik irten da, eta barruan zihoan emakumea barruan harrapatuta geratu da. Horrenbestez, suhiltzaileek atera behar izan dute.
Ondoren Nafarroa Ospitalera eraman dute, anbulantzia medikalizatu batean.
Istripuaren ondorioz, gainera, errepidea itxi egin behar izan dute, eta zirkulazioa NA-1210 errepidetik bideratu dute, baina dagoeneko zabalik dago.
