Gizartea -
Asteazkenean desagertu zen
Desagertutako lekeitiarraren hilotza itsasoan aurkitu dute
77 urteko gizona Odarroatik hamaika milia iparraldera aurkitu dute, salbamendu-jaka soinean zuela.
Erredakzioa
Asteazkenean Lekeitiotik itsasora atera eta desagertutako gizonezkoaren hilotza aurkitu du ''Maria de Meztu'' Itsasoko Laguntzarako itsasontziak 14:00ean.
Gobernuaren Ordezkaritzak jakitera eman duenez, gorpuak salbamendu-jaka zeraman soinean eta Ondarroatik hamaila milia iparraldera aurkitu dute. Gizonak erabilotako ontzi txikia ez dute oraindik aurkitu.
77 urteko lekeitiarra asteazkenean desagertu zen eta familiakoek 15:45ak aldera eman zuten abisua.
Bilaketa lanetan, Sustapen Ministerioko Itsasoko Laguntzaz gain, Ertzaintzaren ontziek, helikopteroak, desagertutako gizonaren senitartekoek eta kostaldean ibili diren ertzainek parte hartu dute.
