Gizartea -
Gertakaria
Bost lagun zauritu dira Zumaiako etxebizitza batean izandako sutean
Zaurituetako hiru ertzainak dira. Donostiako eta Mendaroko ospitaleetara eraman dituzte ke gehiegi arnasteagatik.
Erredakzioa
Bost pertsona zauritu dira gaur goizaldean ke gehiegi arnasteagatik Zumaiako (Gipuzkoa) etxebizitza batean izandako sutea dela eta, Ertzaintzak jakitera eman duenez.
Bost zaurituetako hiru Zumaian bertaratu diren hiru ertzain dira. Denak Donostiako eta Mendaroko ospitaleetara eraman dituzte.
Sutea gauerdia baino 20 minutu lehentxeago piztu da Pantxita Etxezarreta kaleko etxebizitza batean eta ondorioz, eraikin osoa jendez hustu behar izan dute.
Goizaldeko ordu bietarako, berriz, suhiltzaileek sua itzalia zuten eta bizilagunek etxera itzuli ahal izan dute, aipatu iturriak zehaztu duenez.
Hau zure interesekoa bada, baliteke beste gai hauek ere izatea