Gizartea -
Gertakizuna
Gizon bat atxilotu dute Santurtzin, lapurreta bat sustatzeagatik
Atxilotutakoak enpresaburu bati lapurreta egitera behartu zuen gazte bat, eta lapurreta egiteko laguntza eman zion.
Erredakzioa
Ertzaintzak gizonezko bat atxilotu zuen atzo, beste gizon bat enpresaburu bati lapurreta egitera behartzea eta lapurretan laguntza eman izana egotzita.
Eusko Jaurlaritzako Herrizaingo Sailak azaldu duenez, gertakizuna abenduaren 30ean jazo zen, Santurtzin. Egun horretan, enpresaburu batek autoa aparkatu zuen, eskuan hainbat dendatako diru-bilketa zuela.
Orduan, gazte batek kolpatu egin zuen bizkarrean, eta poltsa kendu zien. Lan orduetatik kanpo zegoen udaltzain batek dena ikusi zuen, eta lapurraren atzetik joan zen.
Atxilotutakoan, hark esan zion beste gizon batek behartu zuela lapurreta egitera, zor bat ordaintzeko. Gainera, ustez, aipatu gizon horrek Santurtzira eraman zuen autoz, eta nori egin behar zion lapurreta zehaztu zion.
Lapurretaren sustatzailea, 35 urteko gizon bat, atzo goizean atzeman zuen Ertzaintzak, eta arratsaldean utzi zuen epailearen esku.