Gizartea -
16 puntu eman dizkiote
Bezero bati zigarroa amatatzeko eskatu eta jabea oldartu egin du
"Egia esan ez neukan zerikusirik liskarrarekin, mutur-joka ari ziren, banantzen saiatu naiz eta besteen hutsak ordaindu ditut", esan du jabeak. Era berean, "azken" liskarra ez dela izango uste du.
Erredakzioa
Taberna bateko jabeari 16 puntu eman dizkiote kopetan Montehermoson (Caceres) botila edo edalontzi batekin jo ostean; bezero batek eraso egin dio zigarroa amatatzeko eskatu eta gero.
Jazoera igande arratsaldean gertatu zen jabeak bezero bati zigarroa amatatzeko eskatu ostean; aurretik beste bezero batek jabeari eskatu zion erretzaileari arreta deitzeko.
Bezeroak erretzeari utzi zion, baina jarraian tabernariak hainbat lagun borrokan zeudela ikusi zuen, besteak beste, erretzen zegoen gizona.
Tabernaria liskarra baretzen saiatu zen eta erretzailea tabernatik ateratzen zegoenean, gizonak eraso egin zion kopetan kolpe bat emanez. Eragindako zauria zela eta, Plasenciako ospitalera joan behar izan zuen eta 16 puntu eman zizkioten kopetan.
Halaber, liskarrean parte hartu zuten beste hiru lagun ospitalean artatu zituzten.
