Itsasadarrera salto egin du atxiloketa galarazi nahian, Sestaon

Arratsaldeko 14:00ak aldera, Ertzaintzako zenbait patruila gizonezko baten bila aritu dira Sestaon, Madrilgo Epaitegi batek hura atxilotzeko eta bertan aurkezteko emandako agindua bete gabe baitzuen. Ustez berea zen etxera joan dira baina ez dute bertan aurkitu. Dirudienez, agenteak iritsi baino lehenago ihes egin omen du leiho batetik aterata.

Arratsaldeko hirurak aldera, Benedicta kaiaren gunean ikusi dute eta gizonezkoak, harrapatu ez zezaten, errekara salto egin du eta, azkenean, portuko zutabe batzuei helduta geratu da. Lurretik bertara iristea zaila zela eta susmagarriak agenteen aginduei kasurik egiten ez ziela ikusita, suhiltzaileak eta Gurutze Gorriko kideak bertaratu behar izan dira. Horrela, anbulantzia batek Gurutzetako Ospitalera eraman du; epailearen aipatutako aginduagatik atxilotua izan da.

Beste bederatzi aldiz atzeman dute aurretiaz.