Gizartea -
Gertaera
Barakaldon desagertutako gaztea hilda topatu dute Punta Galean
Ostegun arratsaldean bizikletan ibiltzera irten zen, eta ordutik ez zuten haren berririk. Itxura guztien arabera, amildegitik behera erorita hil zen.
Eitb.eus
Barakaldon desagertutako 23 urteko mutila hilda topatu zuen bart gauean Ertzaintzak Punta Galean (Getxo), Eusko Jaurlaritzako Segurtasun Sailak astelehen honetan baieztatu duenez.
Ostegun arratsaldean irten zen etxetik, bizikletan ibiltzera, eta ordutik ez zuten haren berririk. Haren gorpua Punta Galean aurkitutakoan, Ertzaintzaren urpekariek atera zuten uretatik. Itxura guztien arabera, amildegitik behera erorita hil zen, baina autopsiaren emaitzen zain egon beharko dute heriotza zerk eragin duen jakiteko.
Ertzaintzak ikerketa abiatu du gertatutakoa argitzeko.