Dirua faltsutzen zuen sare bat desegin du Poliziak Gijonen

50 euroko billeteak faltsutzen ziren inprimategi klandestino bat itxi du poliziak Gijonen. Operazioan, merkatuan erabiltzeko prest zituzten faltsututako 11.000 euro atzeman dituzte poliziak eta baita dirua sortzeko materiala ere.

Guztira bederatzi pertsona atxilotu dituzte. Antza, inprentan diruaren kopiak egiten zituzten eta ondoren jatetxe eta saltoki txikieta ipintzen zituzten zirkulazioan. Benetazko billeteen itxura zuten eta horrek faltsuak zirela antzematea zaildu du.

Taldeko ustezko buruaren etxean egindako miaketan, inprimatzaile bat, orriak eta faltsutzeko erabiltzen zituzten beste hainbat erreminta topatu dituzte. Polizia iturrien arabera, sare honek 70.000 euro inguru faltsutu ditu.