Mendizale bat hil da Ezkaurren istripu bat izan ostean

26 urteko mendizale iruindar bat hil da gaur, Ezkaurre harkaitzean (Isabaren mugan) istripu bat izan ostean gaur goizean, Nafarroako Gobernuak adierazi duenez.

Hildakoa, A.G.M, beste mutil eta neska batekin zegoen eta haiek izan dira Larrialdietako Nafarroako Agentziak.deitu dutenak 11:50ean. Erreskate taldeak eta helikopteroa martxan jarri ditu.

Antza denez, Ezkaurre harkaitzera igo nahi zuten baina izoztutako elurra zegoen toki batera heldu dira eta ekiporik ez zutenez, atzera egin behar izan dute.

Itzuleran jazo da ezbeharra. Mendizalea 300 edo 400 metroko malda batetik behera erori da eta bertan hil da.