Gizartea -
Gertakaria
Hiru pertsonak emakume bat erreskatatu dute Bilboko itsasadarrean
Emakumea Ibaizabalera erori da Arriaga antzoki parean, eta uretatik atera ondoren Basurtuko ospitalera eraman dute.
Agentziak | Erredakzioa
Hiru gizon Bilboko itsasadarreko uretan murgildu dira arratsaldean, emakume bat erreskatatzeko. Biktima Arriaga antzoki parean Ibaizabalera erori da, eta uretatik atera ondoren, Basurtuko ospitalera eraman dute.
Gertakariak 17:45 aldera jazo dira Arriagaren atzealdean. Bertatik pasatzen ari ziren hiru gizonek emakumea itsasadarrean ikusi dutenean, eta berehala erreskatatzeko murgildu dira, Udaleko iturriek jakitera eman dutenez.
Hiruron artean emakumea ur azalean mantendu eta kaiko eskaileratara arte eraman dute. Bertan udaltzainek eta suhiltzaileek lagundu diete.
Anbulantzia batek emakumea Basurtuko ospitalera eraman du.