Gizartea -
Abenduaren 25etik desagertuta
Urpekariak desagertutako gazte bat bilatzen ari dira Arga ibaian
Cuatro Vientoseko zubiaren eta hilerriaren arteko gunean ari dira bilatzen bereziki abenduaren 26ean desagertutako pertsona.
Erredakzioa
Nafarroako Suhiltzaileen urpeko erreskate taldeko bi urpekari San Jorgeko auzoan (Iruñea) Arga ibaia miatzen ari dira, abenduaren 26an desagertu zen Fernando Piedra aurkitzeko.
Urpekariak txalupa batekin Cuatro Vientoseko zubia eta hilerriaren arteko gunean bilatzen ari dira bereziki, Nafarroako Gobernuko iturriek jakinarazi dutenez.
Polizia Nazionalak, gaztearen desagerpenaren ikerketa eramaten ari denak, eskatu zuen bilaketa gauzatzeko.
Piedra (18 urte) Ekuadorren jaio zen baina Iruñean bizi da duela hamar urtetik. Abenduaren 25ean afaltzera joan zen lagunekin, baina San Juan auzoan 4:30ean ikusi zuten azken aldiz, geroztik ez da gaztearen berririk izan.