Erakundeak 'neutralak ez' direla salatu du Jaizkibel konpainiak

Jaizkibel konpainiak prentsaurrekoa eman du arratsaldean, Hondarribiko (Gipuzkoa) dozenaka herritarren babesarekin. Iragan larunbatean “irain eta eraso” egin zieten pertsonen “inpunitatea” salatu dute alarde parekideko kideek, Radio Euskadik jakitera eman duenez.

Konpainiako bozeramaileek erakundeetako arduradunekin biltzea eskatu dute, “ez direlako neutralak izaten ari”.

“Nahikoa da”, esan du Jaizkibel konpainiak. “Larunbatean gertatutakoa, irain, txistu eta erasoekin, inflexio-puntu bat da”, ohartarazi du.

Konpainiako kideek erakundeen jarrera kritikatu dute, “erasotzaileen zigorgabetasuna” onartzen ari direlako.

“Ez daude alardea bizitzeko bi modu, irain, boikot eta eraso egiten duen talde bat baizik”, ziurtatu du Izaskun Larruskain konpainiako bozeramaileak. “Irtenbideak orain nahi ditugu, ez datorren urteko irailean”, gaineratu du.

Ehun bat herritarrek Jaizkibel konpainiako bozeramaileak babestu dituzte. “Hondarribiko alardea parekidea” leloarekin kartelak erakutsi dituzte prentsaurrekoan.