Gizartea -
Ezbeharra
Bi edukiontzi erre dituzte Donostian
Suak inguruan aparkatuta zegoen auto bat kaltetu du. Herrizaingo Sailaren arabera, sua nahita eragindakoa izan da.
Erredakzioa
Ezezagun batzuek bi edukiontzi erre dituzte Donostian. Suak inguruan aparkatuta zegoen auto bat kaltetu du, Herrizaingo Sailak jakitera eman duenez.
Goizaldeko 03:20 aldera, Ertzaintzako agenteak eta suhiltzaileak Donostiako Ramon Maria Lili kalera bertaratu dira edukiontzi batzuk sutan zeudela jakin ostean. Suak edukiontzietatik hurbil aparkatuta zegoen auto baten atzeko aldea kaltetu du.
Herrizaingo Sailaren arabera, sua nahita eragindakoa izan da eta une honetan kale-indarkeria kasu batekin zerikusirik izan duen ikertzen dihardute.
Hau zure interesekoa bada, baliteke beste gai hauek ere izatea